TRABALLANDO CON RAQUEL EN PROL DA PAZ

Hoxe conmemórase o Día Mundial da Paz e na escola faremos unha serie de actividades para festexar esta data, pero aquí traballamos todos os días en prol da paz e neste caso vos quero amosar o que fixeron ca mestra Raquel na aula de Audición e Linguaxe.

Para traballar esta temática Raquel empregou o conto"Caracol e vermiño" da editorial OQO. trátase dunha historia na que os dous animaliños discuten por una folla de leituga ata que a pomba da paz os fai reflexionar e pedirse perdón.

Hoxe levarán a casa as personaxes do conto, que eles e elas mesmas fixeron para poder narralo e xogar a dramatizalo.

¿FACEMOS UN CREBACABEZAS?

Na escola xogamos con crebacabezas habitualmente xa que son unha importante ferramenta na aprendizaxe educativa.
Cando fan un crebacabezas os nenos e nenas traballan a coordinación óculo-manual e a motricidade fina, pero ademais disto fan os seus primeiros razoamentos lóxicos; o sentido da correspondencia ou non correspondencia así como lograr organizar as formas espaciais. Tamén se practica a observación, a comparación...

De momento os crebacabezas cos que traballamos son moi sinxelos pero á medida que avance o curso ofrecereilles outros máis complexos para facer tanto de xeito individual como en equipo fomentando así o traballo cooperativo.
Cando rematan o crebacabezas séntense satisfeitos co cal uméntase a súa autoestima.

Dende aquí vos fago a recomendación de que fagades crebacabezas cos vosos fillos e fillas, pode ser unha boa afición que une á familia sobretodo a medida que van medrenado e os poden ir facendo cada vez máis complexos.

¡DE NOVO SOMOS OITO!

Comezamos o 2016 moi ledos e ledas xa que temos unha nova pequevilocha,  chámase  Yaqi.                                     

Benvida á nosa escola Yaqi esperamos que sexas moi feliz aquí e que aprendas moitas cousas.

Tamén aprobeitamos para mandarlle unha forte aperta a Aroa Merelas que seguro que estará encantada na súa nova escola, por aquí os teus compis non te esquecen!

PROMESAS CUMPLIDAS

Antes de nada quérovos dar as grazas polas vosas felicitacións e a continuación vos deixo as fotos dos pequen@s nas semanas previas ao Nadal.

ANTES DE MARCHAR DE VACACIÓNS RECOLLEMOS AS NOSAS LEITUGAS

ADORNAMOS A CLASE

FIXEMOS ADORNOS PARA A ÁRBORE DE NADAL



O DÍA DA FESTA POR FIN ESTAMOS TOD@S

¡PREPARAD@S PARA MERENDAR!

DISFRUTAMOS DA ACTUACIÓN MUSICAL A CARGO DE VÍCTOR

APRENDEMOS PANXOLIÑAS