O VINDEIRO MARTES 23 DE FEBRERO ÁS 16 HORAS HABERÁ NA ESCOLA UNHA XORNADA DE PORTAS ABERTAS PARA AS NAIS E PAIS DO ALUMNADO DE NOVA INCORPORACIÓN NO CURSO 2016-2017. O OBXECTIVO DESTA XORNADA É DAR A COÑECER A NOSA  ESCOLA E O SEU FUNCIONAMENTO.

ENTROIDO 2016

Este curso celebramos o Entroido do mesmo xeito que o curso pasado xa que resultou unha grata experiencia para os cativos  e cativas.

En primeiro lugar fixemos unhas fotos individuais para a continuación disfrutar dun desfile no que puidemos ver os disfraces de todos os nenos e nenas da escola que lles apeteceu desfilar, pois non era obligatorio.

Despois mesturámolos  e fixeron dous talleres, no primeiro facían xogos cooperativos e no segundo un antiface que logo levaron a casa.

Por último merendamos todos e todas xuntas as tradicionais orellas e fomos ó recreo a xogar e correr.

Vos deixo algunas imaxes da xornada.

RECICLAXE E CONTACTO CA NATUREZA

O pasado xoves aprobeitando o fermoso día que tivemos, saímos a reciclar o papel que tiñamos acumulado na nosa papeleira de reciclaxe e concienciar así ás nenas e nenos da importancia de cuidar a natureza.

Saímos a reciclar no contenedor azul  de  papel e  cartón.

Levounos un bo rato xa que de cando en vez andábamos despistados ao ver uns operarios do concello cortar as palmeiras  de en frente da escola. Non sabemos o motivo pero puxémonos un pouco tristeiros.

Despois fomos ver o río que temos a carón da escola xa que con estes días tan chuviosos vai moi cheo de auga e fai moito ruido.

Quedamos sorprendidos de comprobar que a pesares de estar en inverno no noso campo están saíndo margaridas. Expliqueilles que o tempo anda medio tolo por mor da contaminación.

A continuación quíxenlles mostrar unha planta que seguro coñeceredes, a cortaderia herbe da pampa. É una planta invasora que está destruíndo os nosos ecosistemas. ¡E no noso recreo temos dúas! Dende a escola ímoslle pedir ao concello que as veñan cortar.

De volta na clase e para quentar motores para o antroido disfrazámonos cos disfraces que temos para xogar.

 

 

 

DíA DA PAZ

O pasado venres celebramos o Día da Paz na escola. Para conmemorar esta data pensamos que o mellor sería xuntarnos e festexar todos e todas ben mesturadiños.

Fomos á biblioteca e presenciamos a dramatización que fixeron as nenas e nenos da aula de 5 anos do conto "Dos monstruos". Fixéronno moi ben, este conto é perfecto para ilustrar o xeito en que ás veces enfadámonos por auténticas parvadas e que é moito mellor vivir en paz que andar sempre buscando motivos polos que pelexar. A continuación recitaron unha poesía.

Despois eu mesma lles contei un conto tituado "Monstro pequeno di non". No conto o monstro pequeno ten que ter valor para non se deixar abusar e mesmo non ser indiferente cando ve que alguén fai algo que non está ben; temos que saber dicir...¡NON!

Logo cantamos a canción de Pablo Díaz "Toc, toc" e rematamos repartindo apertas por doquier!

Xa na aula de psicomotricidade xogamos ao xogo das cadeiras cooperativas, este xogo é una modificación do tradicional xogo das cadeiras pero a diferenza radica en que aquí non hai perdedores senón todo o contrario, o importante é que ninguén quede sen cadeira e cando xa non chegan para todos téñense que axudar uns a outros colléndose no colo e abrazándose.

Como non podería ser de outro xeito, as festas, se non van acompañadas de algo co que encher a panza non son festas e  puxémonos as botas a base de flocos  de millo.

Aquí vos deixo algunhas fotos da xornada. No resto de blogues da escola poderedes ver mais fotos.