PLANTANDO FUTURO

 " Hay un libro abierto siempre para todos los ojos...la naturaleza."

Jacques Rousseao

O último día de clase antes das vacacións de Semana Santa plantamos no patio da nosa escola tres árbores frutais, un por cada aula. Plantamos unha maceira, un limoeiro e unha figueira.

A nós tocounos a maceira, observamos na etiqueta que a nosa maceira ten tres anos. ¡É coma nós! Ao longo do tempo poderemos vela medrar.

Despois merendamos todas e todos xuntos no recreo.

Por mor desta actividade incluida dentro do programa de Voz Natura saímos na prensa. Vos deixamos o recorte na porta da escola pra que o poidades ler.

 

 

TALLER DE BETY

 A mestra Bety ven levando a cabo dende o principio do curso un taller cos nenos e nenas no que traballa as matemáticas, as TICS (Tecnoloxías da Información e Comunicación) e a arte, e apoia e reforza o traballo da titoría.

Nesta ocasión Bety traballou con eles dun xeito moi orixinal reforzando a motricidade fina. Fixeron uns collares, tendo  que curtar e ensartar.  

O NOSO CORPO

" El cuerpo no es más que una mera proyección de la mente y la mente no es más que un pobre reflejo del corazón radiante"

Ramana Maharshi



Rematamos o trimestre pechando o tema do corpo que levounos bastante tempo xa que hai moito que aprender dese universo incríble que levamos dentro da nosa pel.

Despois de ter claros os coñecementos previos que tiñan sobre esta temática empezamos a traballar.

Cada día fomos escoitando diferentes contos sobre o corpo humano que foron quedándose na aula no carriño temático no que sempre hai contos relacionados co tema que estamos a traballar. Despois da merenda teñen libre acceso a estes contos.

Como xa sabedes trouxeron fotos  de cando eran bebés e llas mostraron ás súas compañeiras e compañeiros e logo fixemos un mural con elas e o mesmo cos obxectos que trouxeron. Aprenderon que as personas medran con tempo e que todos nacemos sendo bebés e saímos da barriga da nosa nai.

Con respecto ao interior do corpo non quixen meterme moito pola idade e quedámonos con algunhas cousas moi sinxelas:

• Temos ósos duros que podemos notar palpando e o conxunto de todos ese ósos cámase esqueleto.

• Temos dous "globos" que se hinchan e deshinchan cando respiramos que son os pulmóns.

• A comida que inxerimos vai a un "saquiño" que temos na barriga chamado estómago.

• Temos un "motor" que se move e nunca descansa que é o corazón e que está no peito e que puidemos escoitar gracias ao fonendoscopio de Irene

Outras cousas importantes que aprendemos foron:

• Os nenos e nenas somos iguais o único que nos fai diferentes é que os nenos teñen pene e as nenas bulba.

• O corpo hai que cuidalo e mimalo coma un tesouro con hábitos saludables e unha boa hixiene. Se enfermamos temos que ir ao médico.

• Traballamos tamén as partes da cara e as diferencias na cor da nosa pel, pelo e ollos.

Aquí vos amoso algunhas fotografías:

O CARRIÑO TEMÁTICO CHEO DE CONTOS DO CORPO HUMANO

MURAIS PARA TRABALLAR CONCEPTOS: ESQUELETO, PULMÒNS ESTÒMAGO E CORAZÒN.

AMOSAN AS FOTOS DE CANDO ERAN BEBÉS.

BUSCAMOS SEMELLANZAS E DIFERENZAS

EXPLICAN OS OBXECTOS QUE TROUXERON E PARA QUÉ SERVEN.

INICIÁMONOS NO USO DAS TESOIRAS FACENDO UN CREBACABEZAS DO CORPO

FACEMOS CREBACABEZAS DO CORPO HUMANO

Isto sólo é unha pequena mostra do moito que traballaron.

¡Disfrutade moito destes días festivos familias!

AMORODOS CON AMOR

"El beso es un dulce movimiento que la naturaleza ha inventado para cerrar las conversaciones cuando las palabras se vuelven inútiles."

Ingrid Bergman.

Hoxe na asamblea escoitamos o conto "Coas mans baleiras" no que Alba vai ao aniversario do seu avó e non lle leva ningún agasallo pero a Mario non lle importa xa que o mellor agasallo do mundo é a visita da súa neta. Así a partires deste conto falamos un anaquiño do amor, do cariño, das caricias e apertas.

Despois da merenda e con ese regustiño doce que nos deixa falar de temas tan bonitos puxémonos a plantar amorodos que cando medren e den froito serán de cor vermello. Isto último foi obxecto de debate pois algún pequevilocho despistado dicía que os amorodos son laranxas e mesmo enfadouse un pouco cando lle levamos a contraria. Despois de ver algunha foto quedouse convencido.