8 DE MARZO DIA INTENACIONAL DA MULLER

 "Eu son libre. Nada pode conter a marcha dos meus pensamentos e eles son a lei que rexe o meu destino"

Rosalía de Castro.


Onte celebramos o Día Internacional da Muller e qué mellor xeito de facelo que invitar ás nais dos nenos e nenas da clase.

Algunhas familias non puideron participar na actividade por distintos motivos e no caso de Hugo como a súa nai non puido vir veu o seu pai e estivemos encantados de recibilo.

Comezamos a xornada facendo as rutinas iniciais, saudándonos e explicando o motivo da celebración desta data. Unha explicación sinxela por mor da idade do alumnado.

A continuación conteilles  o "Libro dos porcos" mediante proxección na PDI, neste libro cóntasenos que o señor porcón e os seus fillos non colaboran nas tarefas da casa ate que a señora porcona cansada de tal abuso abandona a casa e os deixa solos para que aprendan a lección. Con este conto os nenos e nenas aprenden que todas as personas que conviven nunha casa teñen que colaborar para convivir felices e en armonía.

Despois do conto fixemos un rico biscoito no que cada un aportou un ingrediente (o biscoito vainos servir como elemento motivador para a seguinte unidade didáctica que imos traballar: Os alimentos)

Mentres o biscoito se quentaba no forno Vanessa, Irene, José e Estefanía falaron dos seus traballos. Vanessa e José traballan como amos de casa, Irene é enfermera e Fany traballa de dependenta. 

Por último tomamos o biscoito!

Quero dar as grazas a Vanessa, Irene, José, Estefanía e sobretodo a Mauro ;) por asistir e compartir connosco un ratiño tan agradable. Para os que non puideron vir non vos preocupedes que mais adiante teredes oportunidade.

PROBAMOS O AZUCRE E OBSERVAMOS OS INGREDIENTES.

O BISCOITO LEVA AZUCRE, FARIÑA, 1IOGUR, RAIADURA DE LIMÓN, 3 OVOS, 1 SOBRE DE LEVADURA E ACEITE DE OLIVA VIRXEN.

BOTAMOS O IOGUR.

BOTAMOS 3 VECES A MEDIDA DO IOGUR DE FARIÑA

AÑADIMOS 2 VECES A MEDIDA DO IOGUR DE AZUCRE

E TAMÉN 1 VEZ A MEDIDA DO IOGUR DE ACEITE

POR ÚLTIMO OS TRES OVOS E A RAIADURA DO LIMÓN

¡SEN ESQUECER A LEVADURA!

¡¡¡A REMOVER!!!

NUN MOLDE, METÉMOLO NO FORNO PRECALENTADO A 180º, DURANTE 45´ APROXIMADAMENTE.

E MENTRES A DEIXAR TODO BEN LIMPIÑO

ESCOITAMOS ÁS NAIS E O PAI CONTARNOS OS SEUS TRABALLOS

ESCOITAMOS OS LATIDOS DO NOSO CORAZÓN CO FONENDOSCOPIO

POR FIN ESTÁ O BISCOITO, UN PELÍN QUEMADO PERO RICO RICO!

 E...¡A COMER!

O PAI DE UXÍA TAMÉN ESTIVO UNS INTRES CONNOSCO

ATA A PRÓXIMA AMIGUIÑ@S.